Teatro Arriaga Antzokia
Bilbao (Bizkaia)
Irisgarritasuna
Irisgarritasun aukerak ireki
Irisgarritasun-aukerak
Page Style
Current Style: Yellow/Blue
Deskribapena
Arriaga Antzokiak Juan Crisóstomo de Arriaga musikari bilbotarrari zor dio izena. Bilboko bihotzean kokatutako eta Parisko Operan inspiratutako eraikin ikoniko honek 1890eko maiatzaren 31n ireki zituen ateak, eta bere 135 urteko historian, Estatuko antzoki garrantzitsuenetako bat da. Bi aldiz zaharberritua (1914an sutea eta 1983an uholdea), gaur egun 1.200 besaulki ditu eta denboraldi bakoitzeko 90 ikuskizun inguru hartzen ditu, ekoizpen propioak barne.
Irisgarritasun-informazioa
2017-2018 denboralditik aurrera, entzumen urritasuna duten pertsonek bi sistema izango dituzte, bat soinu anplifikatu sistema, eta bestea norbanakoentzako bukle magnetiko sistema, Arriagako agertokian eskainiko diren ikuskizunez argi eta ozen gozatu ahal izateko.
Soinu anplifikatu sisteman aurikularrak erabiliko dira, aretoko soinua argiago jaso ahal izateko. Beraz, entzuteko arazoak dituzten edo, aurikular horiei esker, ikuskizuna hobeto entzun nahi duten, pertsonei dago zuzenduta.
Beste alde batetik, norbanakoentzako bukle magnetiko sistemari esker, entzuteko protesiak (audifonoa edo kokleako inplantea) dituzten pertsonek soinua argi eta garbi entzun ahal izango dute.
Sistema horien ezarpenerako, Arriaga Antzokiak Teatro Accesible ekimenaren laguntza izan du. Ekimen horren helburua, entzumen eta ikusmen urritasuna duten pertsonak eta pertsona nagusiak antzerkira hurbiltzea da.
Nola Iritsi
Ongi etorri Arriagara, Bilboko hirigune historikoaren bihotzean dagoen antzokira! Jasangarritasunarekin eta ingurune-inpaktua murriztearekin dugun konpromisoaren barruan, gure ikuskizunez gozatzera etortzeko garraio ekologikoen aukera batzuk aintzat hartzea proposatu nahi diegu bisitariei. Bilbon ez dago distantzia handirik; hortaz, oinez ibiltzea aukera ekologiko bikaina da antzokira etortzeko, ingurumena gehien errespetatzen duen garraiobidea baita.
Metroa: Bilboko metro-sistema eraginkorra oso aukera erosoa da antzokira iristeko. Metro-geltoki asko daude hirian, baita hirigune historikoan ere. Antzokitik hurbilen dagoen metro-geltokia Zazpikaleetakoa da (hirigune historikoan bertan), bost minutura baitago oinez.
Tranbia: Beste garraio-aukera ekologiko bat tranbia-sarea da, hiriko gune garrantzitsuak lotzen baititu, hirigune historikoa barne. Antzokitik hurbilen dagoen geralekua antzokiaren atzealdean bertan dago, artisten sarreratik gertu, Erribera kalearen 4.ean.
Autobusa: Bilbok autobus-sare zabala du, hainbat lineak zeharkatzen baitute hiriaren erdigunea. Bilbotik hurbil dagoen leku batetik bazatozte edo hiritik kanpo dagoen lekuren bat ezagutu nahi baduzue, autobusa garraio eraginkorra da erabat, eta ingurumena errespetatzen du. Hona hemen antzokitik hurbil pasatzen diren autobus-lineak: 11, 22, 28, 56, 62, 75, 77, 85 eta A2.
Bizikleta: Gure hiria pedalei eraginez ezagutu nahi dutenentzako aukera ere eskaintzen du Bilbok, egoiliar zein kanpotarrentzako bizikleten alokairu-zerbitzuak, hain zuzen. Horrez gain, bizikletak aparkatzeko berariazko gunea dago antzokiaren ondoan.
Trena (Renfe Aldiriak): Trenez ere irits daiteke antzokira, Renferen Aldirietako zerbitzuaren bidez. Hala, C1, C2 eta C3 lineak Arriaga antzokitik hurbil dagoen Bilbao Abando geltokira iristen dira.
Irisgarritasuna
- Igogailu egokituak
- Bukle magnetikoa
- Sarrera irisgarria
- Itsu-txakur
- Komun irisgarriak
- Gurpil-aulkietarako lekuak
- Hurbileko garraio publiko egokitua
Antolatzailearen kontaktua
Informazioa Arriaga Antzokia informacion@teatroarriaga.eus
944792036
Aholkularitza orduak:
Astelehenetik ostiralera 11:00-14:00
Gertu Kultura, oraindik gertuago!
Zure probintzia aukeratu eta denontzako kulturaz gozatu
Ekipamenduaren programazioa
-
Eskaera -
Eskaera -
Amaituta
Valoraciones
Moto-Membra Jesu Nostri (Entsegu orokorra)