Zubiak

Aurkezpena:

Zubiak programa adinekoen eguneko zentroetan edo egoitzetan gertatzen den topaketa da. Kulturarako sarbidea erraztu nahi die batzuetan kultura espazioetara joan ezin diren pertsonei. Hortaz, kultur-espazioetako bitartekariak egoitzetara edo eguneko zentroetara joaten dira. 

Helburuak:

• Kulturaren bidez nahi gabeko bakardade egoerari aurre egiten laguntzea.
• Pertsona guztiek kultura eskuratzeko eta parte hartzeko aukera izatea.
• Partaidetza-esperientziak sortzea, kultura-ondarearen eta artearen aukeretatik abiatuta.
• Espazio eroso bat sortzea artearen eta oroitzapenen bidezko gozamenean oinarrituta.

Nola garatzen da?

Jarduera kuturala eta/edo artistikoa zentro eskatzailean egiten da. Normalean tailer bera bi aldiz egiten da, saio bakoitzean 10-12 pertsonek behar bezala parte har dezaten.

Kultura- eta sormen-bitartekariek parte hartzeko tailer bat sortzen dute, hainbat tresna eta materialen bidez.

Informazio praktikoa:

• Saio bakoitzeko gomendatutako gehieneko parte-hartzaile kopurua: 10-12
• Lekua: Egoitza-zentroa edo eguneko zentroa
• Data: Taldearekin adostu behar da
• Iraupena: 1 edo 2 saio.  Saio bakoitza 40 – 45 minutu
• Ordutegia: 10:30-13:30
• Proiektorea edo telebista izatea gomendatzen da
• Gipuzkoako Foru Aldundiko Zaintza eta Gizarte Politiketako Departamentuak babestutako esperientzia pilotua, doako zerbitzua egoitzentzat eta eguneko zentroentzat. 

Informazio gehiago: gipuzkoa@gertukultura.org