ZUBIAK. Museoa egoitzetara gerturatzen da

Zubiak programaren ildo honek Gipuzkoako museo desberdinetako kultur esperientziak egoitzetara eta pertsona helduen eguneko zentroetara hurbiltzen ditu. 

Helburuak:

• Kulturaren bidez nahi gabeko bakardade egoerari aurre egiten laguntzea.
• Pertsona guztiek kultura eskuratzeko eta parte hartzeko aukera izatea.
• Partaidetza-esperientziak sortzea, kultura-ondarearen eta artearen aukeretatik abiatuta.
• Espazio eroso bat sortzea artearen eta oroitzapenen bidezko gozamenean oinarrituta.

Nola garatzen da?

Jarduera kulturala eta/edo artistikoa zentro eskatzailean egiten da.

Parte-hartze erosoa lortzeko, saio edota kultur-esperientzia bakoitzean 10-12 egoiliar taldeak sortzea gomendatzen da. Museo batzuk 2 saio jarraian egiteko aukera ematen dute, parte-hartu nahi duten egoiliarrak 12 baino gehiago badira.  

Kultura- eta sormen-bitartekariek tailer parte-hartzaile bat sortzen dute, hainbat tresna eta materialen bidez garatzen dutena. Esperientzia guztien abiapuntua museoetako bildumak eta edukiak izaten dira. Horrela, museoetako esperientziak egoitzetara hurbiltzen dira. 

Informazio praktikoa:

• Saio bakoitzeko gomendatutako gehieneko parte-hartzaile kopurua: 10-12 egoiliar
• Lekua: Egoitza-zentroa edo eguneko zentroa
• Data: Egoitzarekin adostu behar da
• Iraupena: Saioak 40-45 minutuko iraupena izaten dute. Museo batzuk 2 saio jarraian egiteko aukera eskaitzen dute.
• Ordutegia: 10:30-13:30, egoitzarekin adostu behar da
• Behar teknikoak:
  • ​​Esperientzia garatzeko gela bat
  • Proiektorea (esperientziaren arabera, museoarekin zehaztu)
  • Aulkiak eta mahaiak (esperientziaren arabera, museoarekin zehaztu)
  • Esperientzia garatzen den bitartean bertan egon daitezkeen profesionalak, 1 edo 2