Izena eman
  1. Kultur eragileak
  2. Guggenheim Bilbao Museoa

Guggenheim Bilbao Museoa

Bilbao (Bizkaia)
Guggenheim kanpoaldea
Guggenheim barrualdea
Abandoibarra Etorbidea, 2
48009
Guggenheim Bilbao webgunea
Nola iritsi Guggenheim Bilbaora

Deskribapena

Nazioarteko museo sare baten kide izateak Bilduma Iraunkor zabal bat eskura edukitzea dakar, barne direla Guggenheim Museoen funtsak, baita Guggenheim Bilbao Bildumaren artelanak ere. Funts horiek guztiak elkarren osagarri dira eta osotasunean hartuz gero, arte moderno eta garaikidearen ikuspegi oso eta sakona eskaintzen dute.

Museoaren Programazio artistikoan barne hartzen dira bai Bilduma Iraunkorraren aurkezpenak bai kalitate handiko aldi baterako erakusketak, ikusleari gure garaiko artearen ikuspegi zabal eta dinamikoa eskaintzeko konbinatzen dituenak.

Museoaren eraikina, gaur egun Bilboko ikur ezagunenetakoa dena, titaniozko, harrizko eta kristalezko eskultura handi bat da eta Frank Gehry arkitekto estatubatuarrak diseinatu zuen. Bertako areto batzuk itxura harrigarriak dituzte, besteek, aldiz, taxutze erregularra; guztiak, baina, antolatzen dira goialdean metalezko lore formako sabaileiho zenitala duen Atrio ikusgarri baten inguruan.

Erakusgai jartzen den artearen eta espazioen berezitasunaren eta aldakortasunaren arteko elkarrizketa konplexu eta aberasgarriak bide ematen du Guggenheim Bilbao Museoko esperientzia bakarra eta paregabea izateko.

Irisgarritasun-informazioa

Entzuteko gidak eta bideo-gidak: 

  • Entzuteko gidak. Mugikorrera deskargatu ahal izango duzu entzuteko giden aplikazioa behin museoan egonda.

  • Bideo-gidak. Aztelaniazko zeinu-hizkuntzan edo azpitituluekin landutako bideo-gidak entzuteko ezintasuna duten pertsonentzat.

Maketak: Ikusmen-urritasuna duten pertsonentzat maketa ukigarriak ditugu. Maketei esker ukimena baliatuz Museoaren eraikinaren arkitektura eta hainbat eskultura (Idi-bihotzak, Puppy, Ama eta Zuhaitz garaia eta begia) aztertzeko aukera dago.

Gida sentsoriala, Gogoaren begiz: Gida sentsorial hau, itsuentzat edo ikusmen gutxiko pertsonentzat diseinatuta dago, baina guztientzat eskuragarri dago. Hizkuntza zehatza eta iradokitzailea erabiliz, Frank Gehryk diseinatutako Museoaren arkitektura eta bertatik ibiltzeko esperientzia bateratzen ditu.

Aulkiak: 

  • Haur-kotxeak eta haurtxoak eramateko motxilak: Haur txikiak haur-kotxean edo motxilan eraman nahi izanez gero, jantzitegian eska ditzakezu.
  • Gurpil-aulkiak: Gurpil-aulkiak eskuragarri ditugu aulkia behar duten bisitariak erosoago egon daitezen. Jantzitegian eska itzazu.
  • Aulki eramangarriak: Aulki oso arinak ibilbidearen edozein unetan atseden hartzeko. Jantzitegian eska itzazu.

Komunak: Gurpil-aulkien erabiltzaileentzako banakako kabinak aurkituko dituzu komun guztietan. Gainera, pixoihalak aldatzeko lekuak daude lehen solairuan eta 0 solairuan.

Zerbitzuak: 

  • Denda-liburudenda: Dendako langileek behar duzun arreta eskainiko dizute.
  • Entzungela: Gurpil-aulkiei eta begizta magnetikoei erreserbatutako lekua dute.
  • Erakusmahaiak: Gurpil-aulkien erabiltzaileei egokituta daude eta begizta.
  • Igogailuak: Gurpil-aulkien erabiltzaileei egokituta daude eta begizta.
  • Arreta integratua: Informazio gunetik eskaini ahal izango zaizkizu, behar izanez gero, sarreren salmenta, arropazaindegi eta entzuteko gida zerbitzuak.

Irisgarritasun gida

Nola Iritsi

Museoak ez du bisitarientzako aparkalekurik; nolanahi ere, erraza da bertaratzea, eta tranbiaren bidez museoaren ingururaino iristeko aukera dago. Zure ibilgailuan etortzea erabakitzen baduzu, udal-aparkalekuak daude inguruetan. Gainera, bertatik hurbil, Euskadi plazan dagoen aparkaleku publikoak ere baditu urritasunak daukatenetzako plazak.

Guggenheim Bilbao Museoa hiriaren erdigunean dago. Hona hemen museora iristeko eta Bilbotik eroso ibiltzeko modua. Bilboko garraio publikoak irisgarriak dira eta pertsona ezinduentzako egokituta daude.

Trenez: 

Autobusez:

  • 1, 10, 13, 18 eta A7. zerbitzuak “Museo 1 / Henao” geltokian.
  • 13., 27., 38. eta 48. zerbitzuak “Alda. Errekalde 31 eta 11” eta “Alda. Errekalde 12” geltokietan.
  • 11. eta 71. zerbitzuak “La Salve / Igogailua” eta “Campo Volantín / La Salve” geltokietan.

Tranbiaz: Guggenheim geltokia. TranbiaBilbaoren webgunea

Metroz: “Moyua” geltokia, “Ercilla-Guggenheim” irteera. Metro Bilbaoren webgunera joan

Autoz bazatoz: Kontsultatu zure ibilgailuarekin emisio baxuko eremura sartzeko murrizketak (+ INFO). Museoak ez du aparkalekurik. Inguruan ordainpeko udal TAO aparkalekuak (parkimetro bidez ordaintzekoak) eta bi aparkaleku daude, Pio Baroja plazakoa eta Euskadi plazakoa. Pertsona ezinduentzat erreserbatutako aparkaleku-plazak eskuragarri daude Museoaren inguruetan, betiere egiaztagiria dutenentzat

Museora sartzeko, bi sarrera irisgarri daude:

  • Fatxada nagusian: gurpil-aulkientzako sarbidea igogailutik (kafetegitik sartuta).
  • Itsasadar aldera dagoen fatxadan: gurpil-aulkientzako sarbidea arrapalatik.

Halaber, fatxada nagusiko harmailaditik behera ere badu sarbidea. Ikusi museora sartzeko planoa

Irisgarritasuna

  • Igogailu egokituak
  • Ukimen-elementuak
  • Sarrera irisgarria
  • Komun irisgarriak
  • Gurpil-aulkietarako lekuak
  • Hurbileko garraio publiko egokitua

Gertu Kultura, oraindik gertuago!

Zure probintzia aukeratu eta denontzako kulturaz gozatu