Berriak

Kultura zurea da. Zure eskubidea da.

Badakizu zer diren eskubide kulturalak? Erantzuna EZ bada, jarraitu irakurtzen.
2025/12/29 - 1:21pm

Eskubide kulturalak aitortutako giza eskubide bat dira.

Bizitza duina bermatzen duten eskubideei giza eskubide deitzen diegu. Eta zer behar dugu bizitza duina izateko? Osasuna behar dugu. Hezkuntza behar dugu. Etxebizitza bat eskuratzeko aukera behar dugu. Baina hori ez da nahikoa.

Hunkitzeko beharra ere badugu. Komunitate baten parte izatea.  Kultura sortu, ekoiztu eta, nahi izanez gero, kultur arloan lan egiteko aukera izatea behar dugu. Antzerkira joatea, filmak ikustea, museoak bisitatzea, liburuak irakurtzea, musika entzutea. Pertsona guztiok, norberaren egoera edozein dela ere, artea eta kultura behar ditugu.

Esparru politikoan eta sozialean aktibo nagusietako bat da kultura, eta funtsezkoa da egungo errealitate instituzional eta ekonomikorako. Ez da soilik askatasunerako eta demokraziaren aldeko borrokarako tresna bat; berrikuntzarako motorra ere bada, eta parte hartzean, aniztasunean eta gizarte kohesioan eragiteko funtsezko elementua.

Artean eta kulturan parte hartzeak eraldatu egiten gaitu.

2023tik, Gertu Kultura lanean ari da kalteberatasun egoeran dauden eta desgaitasuna duten pertsonei arterako eta kulturarako sarbidea errazteko, 36 kultura programatzaileren eta 204 gizarte zentroren konfiantzari eta lankidetzari esker.

"Kultura zurea da, zure eskubidea da" kanpainaren barruan, herritar guztiak gonbidatzen ditugu beren eskubide kulturalak aldarrikatzera eta gozatzera. Gertu Kulturatik kulturarako sarbidea eta horren bidez gizarte-kohesioa bermatzeko konpromisoa berresten dugu, bizitza kulturalean parte-hartze aktibo eta inklusiboa sustatuz.

  • Sarrerak prezio sozial oso murriztuan eskaintzen ditugu.
  • Saio erlaxatuak programatzen ditugu, gizarte-interakziorako oztopoak dituzten edo sentsibilitate eta behar espezifikoak dituzten pertsonek ikuskizun egokituez goza dezaten.
  • Goizeko kontzertuak eskaintzen ditugu, pertsona guztiek ordutegi aldetik ere irisgarritasun handiagoa izan dezaten.
  • Pertsona bakoitzaren beharretara egokitutako bisita gidatuak antolatzen ditugu.
  • Laburbilduz, pertsona guztiek kulturara eta artera sarbidea edukitzea eskubide bat izatea bermatzen dugu.

Hala ere, ezin dugu bakarrik egin.

Gizarte hezitzaileekin, gizarte-erakundeekin eta kulturako profesionalekin lan egiten dugu. Museoekin, antzokiekin, zinema-aretoekin, auditorioekin eta kultura egiten den beste espazio batzuekin lan egiten dugu. Baina sare hori handitzea beharrezkoa da.

Zu behar zaitugu.