Artez Hezi 2026

Formakuntza artistikoak Gipuzkoako Dantzagunearekin lankidetzan
Gipuzkoa

Maiatzeko Artez Hezi tailerra: Olatz Amalur de los Santos 

Saioa Dantzagunera egingo den bisita labur batekin hasiko da, espazioa ezagutzeko eta giroan murgiltzeko.

Tailer honetan, jolasaren eta mugimenduaren bidez gorputzarekiko eta lurrarekiko kontaktua landuko da, baita talde kohesioa ere. Ez da banakako dantzan oinarrituko, baizik eta taldean eta binaka egingo diren dinamika partekatuetan, zirkuluan lan eginez.

Horretarako, mugimendu-tresnak eta Afrikar Garaikideko teknikak erabiliko dira, bereziki Acogny teknika (Senegalen sortua), gorputzaren kontzientzia eta adierazpen kolektiboa sustatzeko.

  • Data: maiatzak 6
  • Ordutegia: 10:15-12:00
  • Plazak: 15
  • Lekua: Gipuzkoako Dantzagunea, Errenteria
  • Zer eraman behar da saiora: Parte-hartzaileek arropa erosoa ekarri behar dute (mugimendua errazten duena), galtzerdiak (baita oinutsik dantzatzeko aukera ere) eta ur botila. Ez da aparteko material teknikorik behar, norberaren gorputza eta mugitzeko gogoa baizik.

Olatz de los Santos

Gizarte-hezitzailea da, eta Dantza Mugimendu Terapiako graduondoko prestakuntza du. 15 urte baino gehiagoko esperientzia du dantzaren irakaskuntzan, testuinguru hezitzaile eta
komunitario desberdinetan.

Espainian, Senegalen eta Brasilen trebatu da, eta bere praktikan dantza afroaren balioak integratzen ditu —talde-sentimendua, zirkulua, lurrarekin eta sustraiekin lotura—, baita Dantza Mugimendu Terapiaren berezko tresnak ere. Mugimenduaren arloko prestakuntzan, Animal Flow praktikak ere txertatzen ditu.

Bere ikuspegi pedagogikoak gorputz-lana, adierazpen emozionala eta espazio seguru eta parte-hartzaileak sortzea uztartzen ditu.

Martxoko Artez Hezi tailerra: Bizikidetza

Saioa Dantzagunera egingo den bisita labur batekin hasiko da, espazioa ezagutzeko eta giroan murgiltzeko.

Tailer honetan, Ai Dō Project-en metodologia jarraituz, dantza erabiliko da gaitasun fisikoak, musikalak eta emozionalak suspertzeko. Mugimenduaren bidez, barne-emozioak adierazteko bideak esploratuko dira, isiltasunari, gelditasunari eta begiradari garrantzia emanez.

Azken helburua parte-hartzaileen arteko harremana artearen bidez hobetzea da, sormenerako eta elkarrizketarako gune seguru bat eskainiz.

  • Datak: martxoak 23
  • Ordutegia: 10:15-12:00
  • Plazak: 20
  • Lekua: Gipuzkoako Dantzagunea, Errenteria
  • Zer eraman behar da saiora: Parte-hartzaileek arropa erosoa ekarri behar dute (mugimendua errazten duena), galtzerdiak (baita oinutsik dantzatzeko aukera ere) eta ur botila. Ez da aparteko material teknikorik behar, norberaren gorputza eta mugitzeko gogoa baizik.

Ai Dō Project

Ai Dō Project Donostiako dantza konpainia eta kultur elkartea da, eta 2013az geroztik konpromiso sozial sendoa duten proiektuak garatzen ditu.

Bere ibilbide koreografikoa komunitate-lanarekin batera garatu da, bereziki Alzheimerra duten pertsonen eta haien senideen ongizatea hobetzea helburu hartuta.

Dantzaren, mugimenduaren eta musikaren bidez, konpainiak giza lotura eta eraldaketa sozialerako tresna diren esperientzia artistikoak sustatzen ditu.