MA: Museoak eta Alzheimerra. Museum Cemento Rezola. Objektuen zehar bisita sentsoriala

Museoa eta bere erakusketa iraunkorra ezagutzeko bisita egokitua, Alzheimerra eta bestelako dementziak hasierako etapan edo moderatuak dituzten pertsonei zuzenduta, parte-hartzaileen, hezitzaileen, zaintzaileen, senideen eta erakundearen beraren ongizate kognitiboan eta emozionalean oinarritutako esperientziaren bidez.

Bisitaren helburua kultur ingurune malguaz gozatzea da, baita taldearen beharrei erantzuna ematen dien harreraz eta tratuaz ere. 

Elkarrekin, zementua nola egiten den ezagutuko dugu eta, antzinako eguneroko objektuen bidez, Cementos Rezola fabrikaren eta fabrikaren inguruan sortutako Añorgako kolonia industrialaren historiaren xehetasunak.

Hartu eta ukituko ditugun eguneroko objektu horiek (tabak, eskola-mapa, plantxa, telefonoa, marmita, abarkak, jolasak...), batzuk itsu-itsuan, zentzumen-estimuluetara, oroitzapen pertsonaletara eta sentimenduetara iristeko bidea izango dira, Alzheimerra duten pertsonei emozio positiboak gogorarazteko aukera emango dien konexio emozionala sortuz.

Jarduera asteartetik ostiralera izaten da, eta gehienez 10 pertsonako taldeentzat eta zaintzaileentzat antolatzen da, behar diren denborekin, elkarrizketekin eta etenaldiekin kalitatezko kultura-esperientzia abegikorra eskaini ahal izateko.