MA: MUSEOAK ETA ALZHEIMERRA: GIPUZKOA ETA TXOKOLATEA

Museoko aldi baterako erakusketara  bisita egokitua, Alzheimerra eta beste dementzia batzuk dituzten pertsonentzak. Parte hartzaileen, hezitzaileen, zaintzaileen, senideen eta erakundearen beraren ongizate kognitiboan eta emozionalean oinarritutako esperientziaren bidez.

Bisitaren helburua, kultur ingurune malguan gozatzea da, baita taldearen beharrei erantzuten dien harrera eta tratua ere.Hau garatzeko., Amerikatik Gipuzkoara iritsi zen produktuetako batean barneratuko gara: kakaoa.

Mapa handi baten bidez, Amerikatik hasi eta Gipuzkoara nola iritsi zen aztertuko dugu,  eta gure gaztaroko markak eta txokolategiak.

40 minutuz produktu honetan murgilduko gara, bere historian eta gaur arte iritsi zaizkigun formetan: tabletak, aleak, hautsa, gozoa edota mingotsa.

Jarduera Donostiako Euskal Itsas Museoko 0 solairuan egingo da, eta gehienez 10 pertsonako taldeentzat eta zaintzaileentzat antolatzen dira, beharrezko denbora, elkarrizketa eta etenaldiekin kultur esperientzia abegikorra eta kalitatezkoa eskaini ahal izateko.