Bizkaia Aretoa-EHU

Eraikina Bilboko gune enblematiko batean kokatzen da; "L" formarekin, itsasadarrari eta Guggenheim museoari begira, Abandoibarra etorbidearen erdi-erdian dago, Pedro Arrupe eta Deustuko zubien artean. 

Eraikitako azalerak 9.000 metro koadro baino gehiago ditu, sei solairutan banatuta. Ekitaldiak egiteko hiru solairu erabiltzen dira eta gainontzekoak EHUko hainbat zerbitzuetako bulegoak dira. Beheko solairuak 2.300 m² ditu, eta bertan dago 441 pertsonarentzako entzunareto nagusia, Mitxelena. Lehen eta bigarren solairuan, 161 eta 66 pertsonentzako bi areto daude eta erakusketak edo beste motatako ekitaldiak burutzeko bost gela ireki. Horretaz gain, lehenengoko solairuan 400 m²-ko azalera duen terraza bat dago ere. 

Gaur egun, eraikin hau era guztietako ekitaldi sozial, kultural, akademiko eta zientifikoen egoitza izaten ari da. Horietatik asko EHUk antolatutakoak izaten dira, baina kopuru nabarmen bat ere kanpoko entitateek burututakoak izaten dira. Hau dela eta, Bizkaia Aretoa erreferentziazko egoitza batean bilakatu da Bilbo mailan ekitaldien sektore honetan.