Arkitektura kognitiboa espazioen eraikuntzan

ErrazTEAk eta Open House arkitektura-jaialdiak antolatutako tailerrean izan ginen, eraikinei eta arkitektura-espazioei aplikatutako irisgarritasun kognitiboa ardatz duen jaialdian. Inguruneen diseinuak gaitasun kognitibo desberdinak dituzten pertsonen ulermena, orientazioa eta erabilera nola erraztu dezakeen aztertu genuen.

ErrazTEA, APNABI Autismo Bizkaia eta Puntodis erakundeek bultzatutako proiektua, enpresa publiko eta pribatuetako irisgarritasun kognitiboa ikertzen eta bultzatzen duen zerbitzua da, desgaitasun intelektuala duten eta desgaitasun intelektualik ez duten pertsonek osatua.

Irisgarritasun kognitiboa mundua errazago ulertzea da. Gauzek, espazioek edo testuek duten ezaugarria da, pertsona guztiek ulertzea eragiten duena. Oztopo kognitiboak dituen ingurune batek ez die soilik desgaitasun intelektualak dituzten pertsonei eragiten, eragina zabalagoa da eta biztanle guztiengana iristen da. Estres egoera etengabea sortzen dute eta gizartearen parte ez izatea dakar, isolamendua edota bazterketa lortuz.

APNABIk Open House Bilbaon duen parte-hartzea aukera paregabea da autismoaren inguruan sentsibilizatzeko eta erakusteko arkitektura ona, estetikoa ez ezik, gizartea eraldatzeko tresna indartsua ere badela.