Gertu Kulturak, Gako eta DAB Dantza Konpainiarekin batera, gorputzen eta dantzaren bitartez aniztasun kulturalari balioa emateko topaketa antolatu du

Datorren igandean, ekainaren 1ean, Errenteriako Herriko Plazan, Gertu Kulturak, Gako eta DAB Dantza Konpainiarekin batera  "KLIK Agenda. Bizi oholtza. Kulturak mugimenduan” antolatu dugu. Ekintza honen helburua kulturen arteko topaketak sustatzea da. Gainera, adierazpen artistikoa inklusio-tresna gisa bultzatu nahi dugu eta lotura komunitarioak indartu gorputzen eta dantzaren bidez.

Horretarako, Errenteriako Herriko Plazan elkarlanean sortzeko horma-irudi bat jarriko dugu, parte-hartzaileek beren ekarpena uzteko aukera izan dezaten. Ondoren, horma-irudi hau atrezzo gisa erabiliko da, topaketari amaiera emango dion dantza ikuskizunerako.

Gertu Kulturak Kutxa Fundazioak abian jarritako "Hitzetatik Ekintzetara, KLIK 2025 AGENDA" baterako sorkuntza-prozesu bat amaitzen du ekintza honekin. Prozesu horretan parte hartzen dugu urtarriletik, lurraldeko beste eragile batzuekin batera.

Hitzetatik Ekintzetara, 2025 KLIK AGENDA

Ekimen hau Kutxa Fundazioak sustatzen duen Hitzetatik Ekintzetara egitasmoan kokatzen da. Proiektu berritzaile honek gizartea 2030 Agendara hurbildu nahi du, bertan planteatzen diren erronketan herritarrak inplikatzeko modu desberdinak bilatuz. Edizio bakoitzak Garapen Jasangarrirako Helburu zehatz bat du oinarrian. Iaz Hiri eta Komunitate Jasangarriak (11. Garapen Jasangarrirako Helburua) izan zuen jomugan proiektuak, eta aurten Hizkuntza eta kultura aniztasuna dira aztergai. 

Hitzetatik Ekintzetara egitasmoari esker, kausa desberdinetan ekarpena egitea erraza, erakargarria eta dibertigarria da. Hirugarren sektore eko-sozialeko eragileekin lankidetzan, ekintza-programa zabala ostatu da, KLIK Agenda. Parte-hartzea nahikoa da kausarekin inplikatzeko. Maiatzetik ekainera, 19 jarduera egingo dira lurralde osoan. Informazio gehiagorako.