Lorren peskizan

Petit de Meurville ilustratzailearen "Flora de Gipuzkoa" albumak erreferentziatzat hartuta, egileak XIX. mendean –akuarelaz- margotutako lore sorta bat ikusiko dugu museoan. Loratzearen araberakoa izango da aukeraketa, urtaroaren arabera.

Ondoren, lore horien bila joango gara; batzuk museoko lorategian bertan ikusiko ditugu, eta beste batzuk Ormaiztegi inguruan egingo dugun ibilbidean.

Aldi berean, landare horien erabilera desberdinak azalduko ditugu, hala nola sendabelarrak, gastronomikoak, apaingarriak edo kulturalak, landareen balioan arreta jarriz. Naturari egindako begirada historiko, artistiko eta kulturala.

Ormaiztegi inguruko ibilbidea 1 km ingurukoa da, guztiz irisgarria eta oso erraza.