Hautatu gabeko bakardadearen barometroa Euskal Herrian 2024

ONCE Fundazioak eta AXA Fundazioak SoledadES behatokiaren esparruan sustatutako Hautatu gabeko bakardadearen barometroa Euskal Herrian 2024 aurkezpenean izan gara.

Txosten honen helburua joerak identifikatzea da, bai bakardadearen eraginari dagokionez, bai arazoaren pertzepzio sozialari dagokionez, eta, horrez gain, bakardadearen aurkako konponbideei buruzko pertzepzioa ezagutzea. Txosten hau Espainian 2024an egin zen Hautatu gabeko bakardadearen barometroaren barruan, eta eskualdeetako txosten multzo baten parte da. Jardunaldian, hautatu gabeko bakardadeak Euskal Herriko biztanleengan duen eragina kuantifikatu zen, gizarte-talde ezberdinetan duen eragina behatuz.

Hona hemen azterketak erakusten dituen datu batzuk:

• EAEko biztanleen %14,5ek nahi ez den bakardadea jasaten du, Espainiako batezbestekoa (% 20) baino baxuagoa.
• Bakardadea jasaten duten pertsonen %83,4k 2 urte baino gehiago daramate egoera horretan.
• EAEko biztanleen %34,4k bakardadea bizi izan du noizbait, Espainiako batez bestekotik behera (%49,3).
• Nahi gabeko bakardadea ohikoagoa da emakumeen artean gizonen artean baino: emakumeen % 15,8 eta gizonen % 13,1.
• Batez ere gazteen artean hedatuta dago (%29,5), eta prebalentzia txikiagoa du.