El Pobaleko Burdinola

El Pobal 500 urteko historia duen Monumentu Multzoa da, eta Bizkaiko iraganeko jarduera garrantzitsuenetako bi erakusten ditu: burdingintza eta errotaritza hidraulikoak. Denboran zehar bidaiatzeko, lanbide zaharrak birsortzeko eta Barbadun ibaiaren ondoan dagoen ingurune naturalaz gozatzeko leku ezin hobea da, ederra bezain ustekabekoa.

Urteko larunbat guztietan eta ekitaldi berezietan, gure ondareko harribitxi hau –jatorrizko makineria gorde duen burdinola bakarra da– burdinaren industriaren agertoki bizia bihurtzen da. Olagizonen erakustaldiaren unea da, uraren, suaren eta airearen indarra konbinatzen direnean, ikuskizun didaktiko bezain erakargarri hau sortzeko, burdinola eta errota multzoaren bisita gidatua osatuz.